Alshabaab oo raba iney xayiraad saaraan degmada Buulo-burte * Mareeg.com somalia, World News and Opinion.
Mareeg Media
Somalia

Alshabaab oo raba iney xayiraad saaraan degmada Buulo-burte

Buulo-burte – Mareeg.com: Al-Shabaab ayaa xayiraad ku soo rogtay gaadiidka rakaabka ee isaga kala goosha degmooyinka Beledweyne iyo Buulo-burte.

Shabaab ayaa arrintan ku macneeyay inay cuno-qabateynayaan degmada Buulo-burte oo dhowaan ay ciidamada dowladda Soomaaliya oo ay kaabayaan howlgalka Midowga Afrika ee Soomaaliya ay la wareegeen.

Wararka ka imaanaya gobolka Hiiraan ayaa sheegaya in shalay Alshabaab wadadaas ka celiyeen dhor gaadiid rakaab ah, kuwaas oo ka soo kicitimay Beledweyne kuna sii jeeday Buulo-burte.

Qaar ka tirsan dadka deegaanka Halgan oo ka gaabsaday magacooda sababo amni dartood ayaa sheegay in arrinta ay caqabad ku tahay ganacsigooda iyo isku socodka shacabka.

Alshabaab ayaa horay xayiraad xaga socdaalka u saaray degmooyin laga qabsaday sdia Xudur iyo Ceelbuur.

Degmada Buulo-burte waxaa gacanta ku haya ciidamada AMISOM ee ka socda dalka Jabuuti iyo ciidamada Soomaaliya.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!