Alshabaab Oo Deegaanada Ay Ka Taliyaan Ka Mamnuucay Mobile-da Dhugta Leh * Mareeg.com somalia, World News and Opinion.
Mareeg Media
Somalia

Alshabaab Oo Deegaanada Ay Ka Taliyaan Ka Mamnuucay Mobile-da Dhugta Leh

Muqdisho, Mareeg.com: Al-shabaab ayaa deegaanada ay ka taliyaan ka mamnuucay Mobile-da dhugta leh ee ay ka mid yihiin nuucyada IPHONE, Samsung Galaxy, iyo Black bury.

Degmooyinka sida weyn ay Alshabaab ugu xoogan yihiin eek ala ah: Ceelbuur, oo Galgaduud ah, Buulo Barde oo Hiiraan iyo Baraawe oo Shabeellaha Hoose ah ayaa la sheegay in laga mamnuucay in lagu adeegsado Mobiled-daas, iyadoo madaxda Alshabaab shaki ka qabaan in loo adeegsado arrimo basaas.

Sida ay sheegayaan warar deegaanka ah, dadka wata Mobile-da nuucaas ah ayaa laga qaadayaa, waxaana lagu wargelinayaa in isticmaalkoodu mamnuuc yahay.

Mobile-lada casriga ayaa leh adeeg lagu magacaabo GBRS oo ah aalad lagu ogaado qofka halka uu joogo iyo khariirad qofka u sahleysa inuu ku kala garto deegaanka uu ku sugan yahay iyo halka uu rabo.

Wixii ka dambeeyay weerarkii ay ciidamada Mareykanka ee sida gaarka ah u tababaran ay ku qaadeen guri ku yaalla xeebta Baraawe ayay Alshabaab bilaabeen foojignaan dheeraad ah, iyagoo xitaa mamnuucay daawashada TV-yada.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!