Alshabaab oo gaadiid ka gubay ciidanka Puntland ee duledka Boosaaso * Mareeg.com somalia, World News and Opinion.
Mareeg Media
Somalia

Alshabaab oo gaadiid ka gubay ciidanka Puntland ee duledka Boosaaso

Mareeg.com: Alshabaab ayaa xalay weerar ku qaaday bar-kaantarool oo ku taalla deegaanka Yalho oo dhaca dulleedka magaalada Boosaasoo ee gobolka Bari.

Dagaalka ayaa billowday kaddib markii Alshabaab ay weerar ku soo qaadeen ciidamo daraawiish ah oo halkaasi bar-kartarool ku leh.

Illaa iyo hadda lama oga khasaaraha rasmiga ah ee ka dhashay dagaalkaasi, balse qof ka mid ahaa dadka rakaab ah xilliga uu dagaalku ka socday duleedka Yalho halkaas ku sugan ayaa sheegay in uu arkay baabuur nooca dagaalka ah oo gubanaya.



Goobjoogaha ayaa VOA u sheegay in maleeshiyo ka tirsan Alshabaab ay gaadiidkii ka soo baxay magaalada Boosaaso iyo kuwii ka yimid magaalada Garoowe ay muddo saacaddo ah ku xannibeen duleedka halka uu dagaalku ka dhacay.

Alshabaab ayaa sheegay in la wareegeen saldhiga ciidanka Puntland ku lahaayeen deegaanka Yalho, ayna halkaas ku dileen 2 askarin, gacanta ku dhigeen labo gaari, mid kalana gubeen.

Dhinaca kale hal qof  oo rayid ah ayaa ku dhintay kaddib markii rag hubeysan ay weerar ku soo qaadeen bar-kantarool oo ku taalla gudaha magaalada Boosaaso iyadoo ciidankii halkaasi ku sugnaa ay iska caabiyeen raggii soo weeraray.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.