Alshabaab oo 4 nin ku toogtay degmada Baraawe * Mareeg.com somalia, World News and Opinion.
Mareeg Media
Somalia

Alshabaab oo 4 nin ku toogtay degmada Baraawe

Mareeg.com: Ururka Alshabaab ayaa shalay galab 4 dhalinyaro ah ku toogtay degmada Baraawe ee gobolka Shabeellaha Hoose. Waxey afarta nin ku eedeeyeen iney u basaasayeen dowladda Soomaaliya iyo dalal shisheeye.

Sida laga sheegay goobta lagu toogtay 4-taas nin, maxkamada Alshabaab ayaa ku heshay iney ku lug lahaayeen falal jaasuusnimo ah oo ka dhan ah dadka Muslimiinta, sida warka loo dhigay.

Dhalinyarada Alshabaab toogteen waxey kala yihiin:-

1- Mahad Xasan Ciise oo da’diisu aheyd 26 sano jir, waxey Alshabaab ku eedeeyeen in uu la shaqeynayay a hay’adda CRD iyo Nabad sugidda Dowladda Soomaaliya.

2- Xasan Xaaji Aawow oo da’diisu aheyd 27 sana jir, waxaa isna Alshabaab u dileen in uu ka tirsanaa ciidamada Gaashaan ee dowladda Soomaaliya.

3- Iidle Max’med Xasan oo 18 sana jir ahaa, waxaa isagana Alshabaab sheegeen in agu helay in uu wada shaqeyn lalahaa PS-ta dowladda Federaalka.

4- Axmed Max’med Aadam ayaa isna Alshabaab u khaarijiyeen in uu ahaa Jaasuus u shaqeynayay shisheeyaha Soomaaliya kusoo duulay, sida warka loo cabiray.

Sheekh Max’med Abuu Cabdalla oo ah madaxa Alshabaab u qaabilsan Shabeelaha Hoose oo goobta afrtaan ruux lagu dilay ka hadlay ayaa digniin hor leh u diray dadka uu ugu yeeray Jawaasiista khiyaameeya dadka Muslimiinta ah.

Ma aha markii ugu horreysay ee Alshabaab ku toogtaan degmada Baraawe dad lagu eedeynayo iney u basaasayeen dowladda Soomaaliya iyo dalal ajnabi ah.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!