Alshabaab: Mid ka mid ah ragii weeraray Xalane wuxuu ahaa Kenyan * Mareeg.com somalia, World News and Opinion.
Mareeg Media
Somalia

Alshabaab: Mid ka mid ah ragii weeraray Xalane wuxuu ahaa Kenyan

Mareeg.com: Alshabaab oo horay u shaaciyey magacyada 4-tii qof ee 25-kii bishaan December weeraray xerada Xalane ee AMISOM ayaa haatan sheegay in mid ka mid ah ragaas uu u dhashay Kenya.

Magacyada afarta nin ee fuliyey weerarkii Xalane ayaa Alshabaab ku kala sheegeen:-

1- Nuur Idiris, oo ku magac dheeraa (Sahal), oo ahaa Amiirka kooxda

2- Ibrahim Salaad oo loo yaqaanay (Aadam)

3- Muxamed Sheekh loo yaqaanay (Cabdilmajiid)

4- Cumar Saciid oo ku magac dheeraa (Salmaan Almuhajir).

Ninka ugu dambeeya ee loo yaqaanay Salman Almuhajir ayaa Alshabaab tilmaameen inuu ahaa Kenyan.

Ma sheegin Alshabaab in Salmaan ahaa Somali-Kenyan iyo inuu kasoo jeeday qowmiyadaha kale ee Kenya.

Dardaaran cod oo uu duubay Salman ayaa laga sii daayey Radio-ga Alshabaab, isagoo mar ku hadlaya Af-sawaaxili, marna ku hadlaya Af-soomaali.

Sanidihii u dambeeyey, dhalinyaro badan oo Kenyan ah ayaa ku biiray Alshabaab, waxaana qaar badan oo ka mid ah dib ugu laabteen dalkooda, halkaasoo ay ka fuliyeen weeraro dad badan lagu laayey.

Mareeg Media

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!