Al Shabaab oo laga saarey Degmada Aadan Yabaal ee Gobolka Sh.Dhexe * Mareeg.com somalia, World News and Opinion.
Mareeg Media
Somalia

Al Shabaab oo laga saarey Degmada Aadan Yabaal ee Gobolka Sh.Dhexe

Aadan Yabaal (Mareeg)—Ciidamada milatariga Dowlada Soomaaliya iyo kuwa AMISOM oo wada jira ayaa lagu soo waramayaa in saakay gudaha u galeen si buuxdana ula wareegeen Degmada Aadan Yabaal ee Gobolka Shabeelaha Dhaxe.

Dagaayahanada Al-Shabaab oo mudo snado badan gacanta ku hayay Degmada Aadan Yabaal ayaa la sheegay in ay halkaasi isaga baxeen shalay galinkii dambe kadib markii ay ka war heleen ciidamo badan oo katirsan AMISOM iyo kuwa Dowlada oo soo gaaray duleedka degmadaasi.

Saraakiil katirsan Ciidanka Dowlada ee qabsaday degmada Aadan Yabaal ayaa Warbaahinta u sheegay in si buuxda ula wareegeen degmadaasi ayna hada wadaan howgalo lagu xaqiijinayo amaanka degmadaasi.

Lama soo sheegin wax dagaal ah oo ku dhax maray degmada Aadan Yabaal Ciidamada Huwanta ah iyo kuwa Al-Shabaab, waxaana degmadaasi ay hada tahay mid faaruq ah oo dadkii degnaa intooda badan ay ka qaxeen.

Ciidamada Dowlada Soomaaliya iyo kuwa AMISOM, ayaa mudooyinkii dambe waxa ay howlaglo ka wadeen gobolka Shabeelaha Dhaxe, waxa ayna Ciidamada Al-Shabaab kala wareegeen degmooyin iyo Deegaano Al-Shabaaab gacanta ugu jiray mudo sanado badan ah.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.