Faah-faahino dheeraad ah ayaa laga helayaa qarax xooganaa oo ka dhacay Garoonka diyaaradaha degmada Buula Barde ee Gobolka Hiiraan oo Saldhig Malatari u ah Ciidamada jabuuti ee qeybta ka ah howlgalka Amisom.
Jugta qaraxa oo Miino aheyd, ayaa si weyn loogu maqlay Xaafadaha degmada Buula Barde,waxaana jiro khasaare ka dhashay qaraxa sida ay inoo xaqiijiyeen ilo lagu kalsoonan karo.
Inta la xaqiijiyay waxaa qaraxaan ku dhintay 2-askari oo ka tirsanaa Ciidamadda Jabuuti ee ku sugnaa Garoonka diyaaradaha degmada Buula Barde.
Dhanka kale Xarakada Al-Shabaab ayaa sheegatay mas’uuliyadda qaraxa sida ay baahisay warbaahinta Al-Shabaab.
Ma jiro wax war ah oo kasoo baxay dhanka Ciidamadda Jabuuti ee ku sugan gobolka hiiraan oo loogu hadlaayo qaraxaan ka dhacay Degmadda Buula Barde iyo Sheegada Shabaab.
