Akhri: Macalin xabad la dhacay gudoomiyaha waxbarashada Berbera

Mareeg.com: Wararka ka imaanaya Somaliland ayaa sheegaya in nin macallin ah oo xabad la dhacay gudoomiyaha Waxbarashada ee Gobolka Saaxil, Ibraahim Digaale.

Xabadda ayaa lagu soo waramayaa iney gudoomiyaha uga dhacday bawdada, islamarkaana dhaawaciisu yahay mid sahlan oo lagula tacaalayo isbitaalka magaalada Berbera.

Sida ay qortay shabakadda Ramaas News, Macalinkan oo Abbaaro 4-tii habeeno ee xalay weeraray Gudoomiyaha waxbarashada oo ay guri wada deganaayeen ayaa magaciisu yahay Macalin Khayre, waxaanu ka hawl gala degmada Xagalo ee dhanka bari kaga beegan Berbera.

Ilaa hadda ma jiro war rasmi ah oo ka soo baxay Wasaaradda Waxbarashada, balse Waxa la sheegay in Wasiirada iyo masuuliyiin kale arintaasi ka hawl galayaan.

Lama Oga sababta Ninkani u weeraray Gudoomiyaha waxbarashada Saaxil, balse waxa la sheegay in Ninkani wakhti sii horaysay weerar ku qaaday sarkaal sare oo dhanka waxbarashada kala shaqeeya Wasaaradda waxbarashada, balse aanay waxba soo gaadhin.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245