Categories
Af Soomaali Featured

Agaasimihii wasaaradda Haweenka Soomaaliya oo xabsiga laga sii daayey

Mareeg.com: Wasaaradda haweenka iyo xuquuqul insaanka ee dowladda federaalka ee Soomaaliya ayaa sheegtay maanta in la siidaayay agaasimaheeda oo maalmihii la soo dhaafay ku xirnaa xabsi ay leedahay hay’adda nabad sugidda qaranka.

Madaxa warbaahinta iyo xiirirka dadweynaha ee wasaaradda haweenka Cabdifataax Maxamuud Axmed ayaa warbaahinta u xaqiijiyey siideynta agaasime Maxamed Cumar, inkastoo uusan faahfaahin habka lagu sii daayey.

Wuxuu sheegay in haatan uu agaasimaha ku sugan yahay xafiiskiisa, wasaaradduna ay soo dhaweyneysa siideyntiisa.

Agaasimaha wasaaradda haweenka ayaa 11-kii bishaan xilli habeen ah lagala baxay gudrigiisa waxaana la sheegay in lagu xiray amar ka soo baxay xeer ilaalinta iyo hanti-dhawrka Soomaaliya.

By A warsame

Published by A Warsame .He can be reached by news@mareeg.com
or Mobile :+447737886245