Agaasimhii wasaaradda haweenka Soomaaliya oo la ogaaday halkii uu ku dambeeyey

Read Time:44 Second

Mareeg.com: Agaasimihii Wasaaradda Arrimaha Haweenka iyo Xuquul Insaanka Soomaaliya, Max’ed Cumar Nuur oo xalay saqdii dhexe lagala baxay gurigiisa ayaa laga ogaaday inuu ku jiro xabsi ay leeyihiin ciidamada Nabad Sugidda Soomaaliya.

Sii Hayaha xilka wasiirka Arrimaha Haweenka iyo Xuquul Insaanka, Khadiijo Maxamed Diiriye ayaa warbaahinta u xaqiijisay in Agaasimaha ay axireen ciidamada nabad Sugidda Soomaaliya.

Khadiijo Diiriye ayaa xustay iney la xiriirtay saraakiisha Nabad Sugidda, islamarkaana lagu wargeliyey in la xiray kadib markii ay dacwad kasoo gudbiyeen Xafiisyada Xeer Ilaalinta iyo Hanti Dhowrka Qaran, kuwaasoo ku eedeeyey ku takrifal xafiiseed.

Waxey Khadiija xariga Agaasimaha ku tilmaamtay wax lala yaabo, iyadoo tiri “Haddii xafiis lagu takrifalay aniga ayaa mas’uuliyadda qaadi lahaa, ee maaheyn in agaasimaha loo xiro”.

Waxaa jira warar sheegaya in sidoo kale Nabad Sugidda Soomaaliya xabsiga dhigtay labo gabdhood oo wasaaradda ka shaqeeya kadib markii ay booqasho ugu tageen Agaasimaha xiran.

Mareeg Media

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %