Markab Iran oo mucaawino u sida Yemen oo ku xiranayta dekdedda Jabuuti

Mareeg.com: Markab sida gargaar oo ay Iran u dirtay dalka Yemen ayaa lagu wadaa in saaka uu ku xirto dekedda Jamhuuriyadda Djibouti.

Markabka gargaarka sida ee Iran

Djibouti ayaa markii hore waxa ay sheegtay in aanay u ogolaan doonin in markabkaas uu soo xirto ilaa ay Iran ka ogolaato in Qaramada Midoobay ay baarto.

Raashinka uu markabkan sido ayaa la doonayaa in lagu wareejiyo barnaamijka cunada dunida u qaabilsan Qaramada Midoobay ee WFP.

Waa markabkii ugu horeeyey oo Iran soo dirto oo soo gaara Djibouti. Djibouti waxa ay marti gelisay in ka badan 4000 oo qaxooto Yemeniyiin ah oo ka cararay colaadda dalkooda ka socota.

Arbacadii, xogahayaha guud ee Qaramada Midoobay Ban Ki Moon ayaa ku dhawaaqay shir looga hadalayo xaaladda Yemen oo dhici doona dhamaadka bishan May. Waxa uu ku casuumay shirka dhamaan dhinacyada isku haya Yemen.

Mareeg Media