Read Time:49 Second
Mareeg.com: Wafdi ka socda Wasaaradda Arrimaha Gudaha iyo Federaalka Xukuumadda Soomaaliya iyo xubno ka socda guddiga maamul u sameynta gobollada Mudug iyo Galgaduud, ayaa gaaray degmada Cadaado.
Wafdiga ayaa waxa hoggaaminayay Agaasimaha Guud ee Wasaaradda Arrimaha gudaha iyo federaalka xukuumadda Soomaaliya, Cali Abtidoon Xalane iyo guddoomiye ku xigeenka guddiga farsamada maamul sameynta labada Mudug iyo Galgaduud.
Kornel Cabdi Maxamed, Madaxwayne ku xigeenka Ximan iyo Xeeb ayaa wufuudan ku soo dhaweeyay magaalada Cadaado.
Maxamed Xaashi Carabey guddoomiye ku xigeenka guddiga farsamada ayaa sidoo kale sheegay in gudigii farsamada ay maanta intooda badan ay Cadaado yimaadeen hawshoodana bilaabayaan.
Agaasimaha guud ee Wasaaradda arrimaha gudaha Cali Abtidoon Xalane ayaa isna sheegay in uu hordhac u yahay wufuud badan oo ka socda dawlada Soomaaliya oo Cadaado ku soo wajahan,
Shirka maamul u sameynta Mudug iyo Galgaduud oo lagu weday inuu maanta ka furmo Cadaado ayaa dib u dhac ku yimid, kadib markii ay maqnaadeen oo aysan weli gaarin Cadaado qaar ka mid ah ergooyinka halkaas laga rabay.
Isha: RM
Happy
0
0 %
Sad
0
0 %
Excited
0
0 %
Sleepy
0
0 %
Angry
0
0 %
Surprise
0
0 %