Golaha Wakiilada Somaliland oo cod buuxa ku ansixiyey xubnaha Guddiga doorashooyinka * Mareeg.com somalia, World News and Opinion.
Mareeg Media
Somalia

Golaha Wakiilada Somaliland oo cod buuxa ku ansixiyey xubnaha Guddiga doorashooyinka

Mareeg.com: Mudaneyaasha Golaha Wakiilada maamulka Somaliland ayaa maanta cod aqlabiyad ah ku ansixiyay Guddiga cusub ee Doorashooyinka Somaliland.

Fadhiga maanta oo uu Gudoominayay Gudoomiye Cabdiraxmaan Cirro, ayaa mudaneyaasha looga akhriyay Khibrada aqooneed iyo shaqo ee 7 Xubnood ee Komishanka, iyadoo ka dibna cod gacan taag ah lagu ansixiyay.

Fadhiga oo ay goob joog ka ahaayeen 70 Mudane, waxaa mid mid loogu codeeyay 7-da xubnood ee Komishanka, waxaana dhamaantood Ogolaaday in la ansixiyo 69 Mudane, halka Gudoomiyuhuna aanu codayn, sidoo kale ma jirin cid diida iyo cid ka aamustay toona.

Xubnaha Guddiga Doorashooyinka ee ay ansixiyeen xubnaha Golaha Wakiilada Somaliland ayaa badeli doona gudigii hore ee doorashooyinka, waxeyna shaqeyn doonaan muddo 5 sano ah.

Magacyada xubnaha ayaa kala ah:-

1- Maxamed Jaamaca Maxamed.

2- Maxmauud Jamac Waceys.

3- Khaltun Sh. Hassan Cabdi.

4- Saciid Cali Muuse

5- C/qaadir Iimaan Warsame.

6- C/fataax Ibrahim Xasan

Xubnahan oo uu soo magacaabay madaxweyne Siilaanyo ayaa loo gudbiyey Golaha Wakiilada bilowgii bishii hore ee October, hase ahaatee waxaa daahiyey khilaaf u dhaxeeyey Siilaanyo iyo Cirro oo markii dambe la xalliyey.

Mareeg Media

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!