13 ka mid ah dadkii ku dhaawacmay qaraxii Hote Central oo loo qaaday UAE

Mareeg.com: Waxaa saaka garoonka diyaaradaha Aadan Cadde ee Magaalada Muqdisho laga qaaday qaar ka mid ah dadkii ku dhaawacmay Qaraxyadii Hotelka Central ee dhacay 20-kii February ee aynu kasoo gudubnay.

Dadkan dhaawaca ah ayaa loo qaaday Isbitaallo ku yaalla dalka Imaaradka Carabat si xaaladooda halkaasi loogu soo daweeyo.

Wasiirka caafimaadka xukuumadda Soomaaliya, Xaawo Xasan Maxamed ayaa sheegtay in dadka dhaawaca ah ee la qaaday tiradooda ay gaarayso 13, ayna jiraan dad kale oo dhaawac ah misane Muqdisho ku sugan.

Dadka saaka la qaaday ayaa la sheegay iney qabeen dhaawacyo halis ah, waxaana qaarkood ka mid ahaayeen shaqaalaha dowladda Soomaaliya.

Horay waxaa dalka Turkiga loogu qaaday R/wasaare ku xigeenka xukuumadda Soomaaliya, Maxamed Cumar Carte oo ka mid ahaa dadkii ku dhaawacmay qaraxaas,.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245