12 Ruux oo Dhul-boob ka waday Kaaraan oo Xabsiga Dhexe loo gudbiyay

Read Time:54 Second

Muqdisho (Mareeg.com)—Wararka ka imanaaya Degmada Kaaraan ee Gobolka Banaadir ayaa sheegaya in Caawa Dad ka badan 12 Ruux loo taxaabay Xabsiga Dhexe ee Magaalada Muqdisho kadib markii Dadkaasi ay dhibaatooyin ka abuureen Degmada Kaaraan ee Magaalada Muqdisho.Gudoomiyaha Degmada Kaaraan ee Dowladda Federaalka Soomaaliya Cali Calasow Xasan oo loo yaqaano Goobjoog ayaa sheegay in Ciidamada amaanka ee Degmada Kaaraan ay soo qab qabteen inka badan 12 Ruux kuwaasi uu ku sheegay in Degmada ay ka wadeen Dhul Boob.“Waxaa maalmihii u dambeeyay nasoo gaaray Cabasho xoogan oo ku aadan Dhul Boob, hase ahaatee waxaan soo qabanay inkabadan 12 Ruux kuwaasi oo isku dayay in Dhul Dodoow ay xoog ku qabsadaan, waxaa sidoo kale Dadkaasi aan u gudbinay Xabsiga Dhexe ee Muqdisho”sidaasi waxaa yiri Gudoomiyaha Degmada Kaaraan.Ugu dambeyn, Cali Calsow Xasan oo loo yaqaano “Goobjoog” Gudoomiyaha Degmada Kaaraan, ee Dowladda Federaalka Soomaaliya ayaa hoosta ka xariiqay in ay maqan yihiin kuwa kale oo iyaguna qeyb ka ah Dhul Boobka ka taagan Degmada isagoona tilmaamay in ay soo qaban doonaan islamarkaana ay u gudbin doonaan Xabsiga Dhexe ee Muqdisho.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.