Mareykanka oo taageeray dhismaha maamulka Koonfur Galbeed ee Soomaaliya

Mareeg.com: Ergeyga Mareykanka u qaabilsan Soomaaliya James P. McAnulty ayaa sheegay inuu soo dhaweynayo doorashaddii dhacday November 17, taasi oo madaxweynaha  maamulka ku meel-gaarka ee koonfur galbeed loogu doortay Shariif Xasan Sheekh Aadan.

“Dowladda Mareykanka waxay u hambalyeyneysaa dhamaaan qeybaha kala duwan ee ka qeybqaatay wadahadaladdi socdey bilooyinkii la soo dhaafay, kuwaasi oo surtagaliyey in doorasho nidaamsan ay dhacdo. Waxaan kaloo aqoonsanahay doorka ay dowladda Federalka ka qaadatey surtagalinta maamul dhisiddan iyo dib u heeshisinta guud. Waxaana ku boorineynaa dowladda federalka inay sii wadoo surtagalinta hiigsiga 2016 oo ay ka mid tahay maamul u sameynta gobaladda” ayuu yiri James P. McAnulty.

“Dowladda Mareykanka waxay ku boorineysaa madaxda mamulka kumeel-gaarka ee Koonfur galbeed inay tabaha u dhigaan maamul ay u wada dhanyihiin dadka deegaanka, kana bahi tiro dhamaan alaadaha ay u baahanyihin dadka goboladddan dago. Waxaan kaloo ku dhiiragalineynaa maamulka  ku meelgaarka koonfur-galbeed inay wada shaqeyn iyo la tashi la sameeyaan dowladda Federaalka si loo suurtagaliyo in mustaqbalka maamul goboleed kamid ah dowladda federaalka uu ka dhasho gobolka,” ayuu yiri Ergeyga Mareykanka ee Somalia, James McAnulty.

Sharing is caring!

Next page

Mareeg senior news editor since 2001 and he can be reached at news@mareeg.com