Alshabaab oo Diinsoor ku toogtay wadaad lagu sheegay Sixiroole

Mareeg.com: Al-shabaab ayaa ku toogatay faraage ku yaalla degmada Diinsoor ee gobolka Bay, wadaad ay ku eedeeyeen inuu sixiroole ahaa, kaasoo la sheegay inay qabteen ciidamada Amniyaatka Al-shabaab.

Waxaa goobta lagu toogtay ninkaas ku sugnaa dadweyne farabadan, waxaana ninka la dilay magaciisa lagu sheegay, Macallin C/qaadir Sheekh Aadan.

Garsooraha maxkamada Al-shabaab ee xukunka ridday ayaa sheegay inay maxkamaddu go’aansatay inay xukun dil ah ku riddo macallin C/qaadir, kaddib markii lagu helay inuu yahay sixiroole.

Xarakada Al-shabaab ayaa deegaannada ay ka taliso ee ku yaalla Koonfurta Soomaaliya waxay ka fuliyaan xukuno kala duwan oo dil toogasho ah.

Mareeg Media

Sharing is caring!

Next page

Mareeg senior news editor since 2001 and he can be reached at news@mareeg.com